All Entries in the "Bashir Badar" Category
in aaNkhoN se din raat barsaat hogii
in aaNkhoN se din raat barsaat hogii
agar zindagii sarf-e-jazbaat hogii
musaafir ho tum bhii, musaafar haiN ham bhii
kisii moD par phir mulaaqaat hogii
sadaaoN ko alfaaz milne na paayeN
na baadal ghireNge na barsaat hogii
chiraaGoN ko aaNkhoN meN mahfuuz rakhnaa
baDii duur tak raat hii raat hogii
azal taa abd tak safar hii safar hai
kahiiN subah hogii kahiiN raat hogii
subah ka jharnaa, hameshaa hansne vaalii aurateN
subah ka jharnaa, hameshaa hansne vaalii aurateN
jhuTpuTe ki nadiyaaN, khamosh gahrii aurateN
saRakoN baazaaroN makaanoN daftaroN meN raat din
laal piilii sabz niilii, jaltii bujhtii aurateN
shahar meN ek baaGh hai aur baaGh meN taalaab hai
tairtii haiN usmeN satoN rang vaali aurateN
saikRoN aisii dukaaneN haiN jahaaN mil jaayengii
dhaat kii, patthar kii, shiishe kii, rabar kii aurateN
inke andar pak [...]